Słuchaj Radia Kaszebe
    Kraj

    Opublikowano 25 stycznia, 2017 | przez Sylwia Bartosik

    Wejrowsczé mùzeùm ògłôszô IV Òglowòpòlsczi Kòmpòzytorsczi Kònkùrs

    Wejrowsczé mùzeùm ògłôszô czwiôrti Òglowòpòlsczi Kòmpòzytorsczi Kònkùrs – na chùralny pasyjny dokôz w kaszëbsczim jãzëkù.

    Placówka òrganizëje we wespółrobòce z Gminowim Ceńtrã Kùlturë, Spòrtu i Rekreacje w Szëmôłdze i Radzëzną Kaszëbsczich Chùrów. Strzód przédnëch célów są: promòcjô kaszëbsczégò jãzëka przez rozkòscérzanié chùralnégò spiéwù i twòrzenié nowégò repertuaru dlô chùrów. Zgłosziwac to mòże òrginalné kòmpòzycje jaczé rëchli nie bëłë prezeńtowóné, pùblëczno wëkònywóné ani nôdgrodzywóné na drëdżich kònkùrsach. Taksowóné mdą kòmpòzycje napisóné na 4-6 głosowi miészóny chùr abò 3-4 głosowi jednorodny a capella do wskôzónégò przez òrganizatora tekstu.
    Za zgłoszeniama Mùzeùm Kaszëbskò-Pòmòrsczi Pismieniznë i Mùzyczi żdże do 17 strëmiannika.

    Efektë mdą ògłoszoné na 11 Pòmòrsczim Festiwalu Wiôlgòpòstny piesnie w Czelnie. Dobiwcowie dostną dëtkòwé nôdgrodë – przédnô to tësąc złotëch.

    Foto: Muzeum Wejherowo

    Klëka Radia Kaszëbë, 25.01.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑