Słuchaj Radia Kaszebe

    Opublikowano 1 czerwca, 2017 | przez Adóm Hébel

    Barbara Kąkól – 70 lat Kaszëbsczégò Mùzeùm

    Zaczãło sã òd priwatnégò zbiéru pamiątków nalazłëch na pszãtrach chëczów. Dzysô ekspòzycje Kaszëbsczégò Mùzeùm w Kartuzach òbjimają tësące lat historie ti zemie. Witro w Kartuzach ùroczëzna sédmëdzesątégò gebùrstagù placówczi.

    „Frãc Tréder zbiérôł pamiątczi pò chëczach. (…) ùczałi achtnãlë jegò robòtã i pòzwelë gò kaszëbsczim Faùstã – jegò warstat wëzdrzôł jak ten z lëteracczégò dokazu.” – pòwiôdô direchtórka mùzeùm Barbara Kąkól ò załóżcë placówczi.

    Ùroczëzna z leżnoscë sédmëdzesąti roczëznë pòwstaniô mùzeùm mdze w piątk. Wszëtkò zacznie sã mszą swiãtą ò 10:00 w kòscele swiãtégò Kadzmierza. Pò tim Kaszëbsczé Mùzeùm przërëchtowało atrakcje, jaczé mają ùczestnic ùroczëznã. To mdą kòńcertë i projechcjô filmù ò Frãcu Trédrze pt. „Kaszubski Faust”. Pòznanié sylwetczi Frãca Trédra pòmòże w ùswiądnienim so specyficzi sami jinstitucje, jakô zacza fąkcjonowac pò wòjnie, le ju rëchli ji ùtwórca zachãcony przez Aleksandra Majkòwsczégò zaczął zbiérac pamiątczi jaczé miałë bëc ekspònatama. Mùzeùm rôczi téż do òdwiedzeniô wëstôwków jaczé prezeńtëją historiã Kaszëb òd czasów przed naszą erą.

    Dobri Dzéń Kaszëbë, 01.06.2017, 8:10

     

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑