Klëka 2019.04.10 (CSB)

• W gminie Bëtowò mieszkańcowie wiesczich terenów rzeką czë chcą pòdłączeniô do gazowny sécë.
• To mdze rok drogòwëch jinwesticjów, zapòwiôdają w gminie Sëlëczëno.
• Pòsprzątôj wies ze szôłtësã – rôczą w gminie Szëmôłd.

STRZODA, 10 aprila

• W gminie Bëtowò mieszkańcowie wiesczich terenów rzeką czë chcą pòdłączeniô do gazowny sécë

W gminie Bëtowò òni pitają mieszkańców czë chcą pòdłączeniô do gazowny sécë. To sã tikô le wiesczich terenów. Jeżlë efektë ankétów mdą zadowòlniwającé to ju niedługò na terenie gminë mòże bëc gazocyg wëbùdowóny. Niedôwno samòrząd pòdpisôł jintencjowi lëst z Pòlską Spółką Gazowiznë. Wedle założeniów lëstu gmina mdze wespiéra dzejanié spółczi przez òrganizacjã pòtkaniów z mieszkańcama. Do te pòmòże przë przekazywanim i zbiéranim anketów, a w pózniészim etapie wniosków o sã tikają zapòtrzébòwaniô na gazowé paliwò, gôdô bùrméster Riszôrd Sylka. Gmina Bòrzëtëchóm pòdpisa jintencjowi lëst z PSG ju łoni. Zôczątk bùdowë mòże bëc nié rëchli jak na drëdżi rok.

• W gminie Szëmôłd planëją òrnąg robic.

To mdze rok drogòwëch jinwesticjów w gminie Sëlëczëno. Terô dérëje robòta przë remòńtach mniészich dzélów, le samòrząd sã téż rëchtëje do realizacje wikszich projechtów. W òbrëmienim programë rozwiju môlowëch drogów za wicy jak 1,5 mln zł przebùdëją drogã z Bòrowca do Klëkòwi Hëtë. Më le żdżemë za pòdpisanim ùgôdënkù z wòjewòdą, gôdô wójt Bernat Grëcza. Za przez 170 tës mô bëc wëremòńtowóny 300-métrowi dzél w Bùkòwi Górze. Gmina mdze téż aplikòwa ò bùtnowé wespiarcé na przebùdowã gminowi drodżi w Bòrkù, w stronã Bòrowégò Lasa. Całi czas më biôtkùjemë z ùprôwianim tegò co chaja znikwia. Më rechùjemë, że braknie jesz 1,5 mln zł. Gôdka ò drogach ze Sëlëczëna do Kłodna i na Ostrów Maùsz, z Bùkòwi Górë do Amalczi ë ze Sëlëczëna do Ostrowitégò. Gmina téż rechùje na wespiarcé z Fùnduszu Solidarnoscë. Wëremòńtowóné bë mògłë bëc bënowé drodżi w Kłodnie, Bùkòwi Górze, Kistowie, Żôkòwie, Amalce i Wãsorach.

• Pòsprzątôj wies ze szôłtësã – rôczą w gminie Szëmôłd.

Szôłtësowie wszëtczich 23 szôłtëstwów mdą zbiérelë z mieszkańcama smiecë w swòjëch wsach. Jinicjatiwa je ju 5-ti rôz òrganizowónô. „Lëdze nie mëszlą i smiecą – jima mùszi dac przikłôd z górë” – pòdsztrichiwô wójt gminë Szëmôłd Riszôrd Kalkòwsczi. Kòżdi chãtny do zbiéraniô smiecy je proszony ò łączbã ze swòjim szôłtësã. Wiôldżé òpòrządzanié bądze w tã sobòtã. Szôłtësowie z miechama, rãkawicama i transpòrtã w centrum wsów sã pòjawią ò 9:00 reno. Na kùńc w planach ògniszcze z wòrztą.