W Szëmôłdze bądze òbkrãżnica wsë

W Szëmôłdze mdze òbkrãżnica wsë. Droga mô dac mòżlëwòtã jachaniô bez sztopów dlô aùtołów co jadą z Kartuz do Wejrowa.

– Më chcemë sparłãczëc pòwstanié òbkrãżnicë Szëmôłda z robòtą przë ekspresowi drodze S6 – pòdsztrichiwô wójt gminë Szëmôłd Riszôrd Kalkòwsczi.

Dzél bądze miôł wicy jak 1 km. Zôczątk bądze na greńcë Dolmierza ze Szëmôłdã, naprocëm sztrasë Nowinczi. Kùńc nowi drodżi bądze miôł rondo krórkò òczëszczalnie, na skrziżowanim ze szaséją do Czãstkòwa. Terô w planach je robòta przë projechce. Òbkrãżnica mô pòwstac do 2023 rokù.

Klëka Radia Kaszëbë, 18.01.2019 | Foto: archiwum