Chcemë pòznac Lãbórg | Mùzeùm (6)

Wiele naszich radiowëch wizytów w Lãbòrgù to wëjazdë do mùzeùm. Tak bëło chòcbë w pòniedzôłk, czej Adóm Hébel pòznôwôł archeòlogiczné nalézëszcza z Czôrnówka. To mòżeta pòsłëchac na radiokaszebe.pl, a dzysô chcemë sã blëżi przëzdrzec sami placówce. Ò tim rzecze Mark Adamòwicz, mùzealny adiunkt i Mariola Prëskô, direchtórka mùzeùm.

Gôdô direchtórka mùzeùm Mariola Prëskô. Zarô Wa sã dowiéta ò sprzãce dlô lëdzy z wąsama. I to nie je grzebiéń, nożëcë, ani nick pòdobnégò. Jesta wa czekawi co to mòże bëc? Zarô sã dowiémë.

Dzysô w serie Chcemë pòznac Lãbórg pòznôwómë mùzeùm jakno całosc. Nie miescy sã blós w kamienicë Paùla Nipkowa, ale jegò placówczi to téż basztë z òbronnëch mùrów Lãbòrga. Słëchôjta, jaczé rzeczë mòże nalézc w zbiérach mùzeùm, jedna z nich je dlô lëdzy z wąsama, co to taczégò? Òdpòwié nama Mark Adamòwicz, adiunkt mùzealny, le Adóm Hébel wëpitôł gò téż ò jiné skarbë lãbòrsczi zemie.

Gôdô direchórka Mariola Prëskô. Zarô sã dowiémë ò czekawëch wëdarzeniach òrganizowónëch przez tã lãbòrską jinstitucjã

Mùzeùm w Lãbòrgù to wëstôwczi ò numizmatice, historie telewizje, etnografie i swiat strzédnëch stalatów. Z tim zrzeszoné są wëdarzenia jaczé òrganizëje mùzeùm, a òpòwiôdô ò tim Mariola Prëskô, direchtórka placówczi.

A jakbë chto chcôł sã wicy ò Paùlu Nipkowie dowiedzec, tej na stronie radiokaszebe.pl wa mòżeta nalézc material ò òjcu telewizje.