Ksądz youtubéra promùje Kaszëbë – Dom na Skale
Dziennikarz Radio Kaszëbë, 11 stycznia 2019
Karnôl Dom na Skale òjca Piotra Różańsczégò, co pòsłëgiwô w Bólszewie to je cotidzeniowi katézmùs co sã tikô niedzélnëch czëtaniów. Pijar klarëje tam sprawë związóné z wiarą, le téż chce pòkazywac Kaszëbë, chòc sóm sztamùje ze Zôpadnégò Pòmòrzô.
Dzãka temù më prażimë pòkazac región szerszi pùblëcznoscë – gôdô òjc Pioter Różańsczi. Nié le snôżi krôjòbrôz to je tło rozmëszleniów. Jeden dzél béł pòswiãcony placowi piôsznicczégò mòrdarztwa. Mòżlëwé, że sã téż pòjawią kadrë z wôżnëch sanktuariów. Nowiną na karnôlu i facebookòwi stronie òjca Różańczégò mają bëc gòsce, w tim taczi, co przëblëżą òbzérnikóm kaszëbską apartnosc. Sóm aùtór sztamùje z bùtna Kaszëb, w parafie w Bólszewie òn służi ju sztërë lata.
Klëka Radia Kaszëbë, 11.01.2019
