Midzëwòjnowé realia Kaszëbów
Dziennikarz Radio Kaszëbë, 25 marca 2019
Dzéń Jednotë Kaszëbów to nié blós czas dobri zôbawë, le téż refleksje ò naszi historie. Za nama rok fejrowaniô 100-lecô jistnieniô Pòlsczi, za rok më mdzemë swiãtowelë czas, czedë naje terenë do ni dołączëłë. Jaczé bëłë realia naszich przódków w tëch czasach? O tim Adóm Hébel gôdô z historikã Andrzejã Januszã.
Dzysô më pòznôwómë naszé dzeje z leżnoscë Dnia Jednotë Kaszëbów. To swiãto spòminô pòjawienié sã naju w pisóny historie. Historie bùrzlëwi czegò przikładã je midzëwòjnowi czas. Pòliticznô sytuacjô bëła napiãtô. Dzysô, nié tak brutalno, le më téż jesmë pòdzelony. Jaczi to mô cësk na nają kòndicjã?
