„Pòd òkã Jastrë” – to je titel te pierszégò w historëji romanu fantasy w kaszëbsczim jãzëkù

Dziennikarz , 4 grudnia 2019

To je ten pierszi roman fantasy w kaszëbsczim jãzëkù. „Pòd òkã Jastrë” mô bëc wëdóny na drëdżi rok.

Je òpiarti na mòtiwach znónëch z kaszëbsczi mitologiji. Zamiast alfów, entów ë drëdżich ras znónëch lubiéńcóm tegò ôrtu lëteraturë, pòjôwiają sã tu: stolëmë, krôsniãta, klabaternicë, złi démón Szôlińc, panownik mòrzi Gòsk abò Bòrowô Cotka. Aùtór romana Dariusz Majkòwsczi pòdsztrichùje, że twòrzącë swiat, co w tim sã dzejô akcëjô – a òsoblëwie pòstacëje – òpiérôł sã dosc tëlé na egzystëjący ju lëteraturze.

Łoni zaczątkòwi wëjimk „Pòd òkã Jastrë” béł achtniony òd jurorów Òglowòpòlsczégò Lëteracczégò Kònkùrsa miona Jana Drzéżdżona, jaczi przëznãnë mù tã pierszą nôdgrodã w kategòrëji proza. Latos Dariusz Majkòwsczi skùńcził pisanié romana, a zalatos zamiszlô jen wëdac pòspòle z wëdôwizną Kaszëbskò-Pòmòrsczégò Zrzeszeniô.

Na napisanié te pierszégò w historëji romana fantasy pò-kaszëbskù aùtór miôł dostóné stipendium marszôlka pòmòrsczégò wòjewództwa dlô ùtwórców.


Opinie czytelników

Zostaw opinię

Twój adres e-mail nie będzie opublikowany. Wymagane pola są zaznaczone *



Current track

Title

Artist

Background