W Czôrny Dąbrówce żdżą za zgłoszeniama do jastrowégò kònkùrsu

W Czôrny Dąbrówce w bëtowsczim krézu òni ju mëszlą ò nadchôdającëch swiãtach. Gminowé Centrum Kùlturë i Biblotéka rôczą do ùdzélu w kònkùrsu na nôpiãkniészą jastrową palmã.

– To je rozegracjô jaką më pòdezdrzëlë na drëdżim kùńcu Pòlsczi i ùdbelë jistną zrobic kòl naju – gôdô wójt Czôrny Dąbrówczi Jón Klôsa.

Zgłoszenia są przëjimóné do nôblëższégò czwiôrtkù do 15:00. Palmë mùszi przërëchtowac samémù, bë ni miałë òdbiégac òd òglowò przëjãtëch sztandardów. Taksowóné mdą 13 aprila na II Krézowi Prezentacje Jastrowëch Stołów.

Przewidzelë kònkùrs na aranżacjã jastrowégò stołu i nôlepszégò mazurka. Sczerowóny je do KGW, òrganizacjów, familiów i dodomów kùlturë. Rôczą téż pasjonatów, co  bë sã chcelë pòchwalëc swòjima ùdbama na jastrowé smaczczi.