KLËKA 12.04.2019 (CSB)

• Molierowa kòmédia w pòczestnym celu. We Wejrowie sprzedôwają bilietë na òsoblëwi szpëtôkel.
• W Górny Brodnicë kòl Kartuz do lata sã skùńczi tôkel z pòdtopieniama przë Kamianny sztrase.
• Nômłodszi z Wiela w gminie Kôrsëno mdą mielë nowi plac jigrów.

PIĄTK 12 aprila

• Molierowa kòmédia w pòczestnym celu. We Wejrowie sprzedôwają bilietë na òsoblëwi szpëtôkel

Na binie Spòdlëczny Szkòłë nr 9 w pòjastrowi wtórk më ùzdrzimë lëdzy znónëch z pùblëcznégò żëcô Wejrowa: radnëch, gazétników, sprtowców, chùrzistów czë szkólnëch, a téż aktorów biblotécznégò teatralnégò karna “Errata”. Na warstat òni wzãlë dokôz Moliera “Mieszczanin szlachcicem”. Wszëtcë, nimò, że zarobiałi, zagòspòdarzëlë czas na próbë i ùczbã tekstów w pòczestnym celu. Jô jem rôd, że jô trafiła do òbsadë tegò òsoblëwégò szpëtôklu, gôdô Aleksandra Janus, na co dzéń dirigeńtka, w dokazu graje rolã Lucyllë. Dodôwô radny Jack Gafka, chtërnégò më ùzdrzimë w rolë grafa Doranta. Historiô jaką aktorowie amatorowie zaprezeńtëją to kòmédia ò aspiracjach mieszczanina, cobë bëc szlachcëcã i co sygô absurdu. Bilietë kòsztają 20 zł, są przistãpné w sedzbie wejrowsczi bibloteczi, a wzątk z jich sprzedażë pùdze na domôcé hòspicjum sw. Judë Tadeùsza. Molierowa kòmédia Mieszczanin Szlachcicem mdze wëstawionô w aùlë Spòdlëczny Szkòłë nr 9 we Wejrowie 23 aprila ò 5:00 i 7:30 wieczór.

• Kùńc tôklów z pòdtopieniama w Górny Brodnicë kòl Kartuz do lata

W Górny Brodnicë w gminie Kartuzë do lata òni so ùradzą z tôklã zaléwaniô pòsesjów pò deszczach. Karnôlizacjô, co òdprowadzywô òpadowé wòdë mdze na Kamianny sztrase. – Më pòdpiselë ùgôdënk z wëkònywaczã robòtë – gôdô bùrméster Kartuz Mieczisłôw Grégór Gòłuńsczi. Më długò żdelë za wòdno-prawnym pòzwòlenim z Pòlsczich Wòdów – dodôwô bùrméster Gòłuńsczi. Pòdsztrichiwô, że jinwesticjô je mòżlëwô dzãka wespółrobòtë z mieszkańcama. Stôwianié deszczowi karnôlizacje na Kamianny w Górny Brodnicë mdze kòształo 600 tës zł. Mô bëc fardich w te ferie.

• Nômłodszi z Wiela w gminie Kôrsëno mdą mielë nowi plac jigrów

We Wielim w gminie Kôrsëno do przódkù jidze robòta przë placu jigrów. Mô bëc dóny do ùżëtkù jesz przed feriama. Do zôbawë i òdpòczinkù mdą służëłë zybówczi, karasele, zybôcze, zôbawòwé zestôwczi i góra do wdrapiwaniô. Plac mdze przë Wielewsczim jezorze. – Za jegò zagòspòdarzenié przińdze 300 tës zł – gôdô wójt gminë Kôrsëno Róman Brunk.
Plac pòwstónie do pòłowë czerwińca. Niecałô pòłowa kòsztu pùdze z ùdëtkòwieniô zwëskónégò przez gminã Kôrsëno z Môlowégò Karna Dzejaniô „Mòrénka”.