Klëka 2019.03.28 (csb)

• W Bëtowie òni wnet skùńczëlë robic nową sedzbã Krézowégò Centrum Warkòwi Edukacje.
• O Pòspólny Gbùrsczi Pòliticë gòspòdarze mdą w sobòtã diskùtérowelë z wiceminystrã gbùrzëznë w Przedkòwie.
• Kòmicznym trimã sã mògą wëkazac ùczniacë z kartësczégò krézu w kònkùrsu TAlencik Show.

CZWIÔRTK, 28 marca

• Mô bëc lepi wëpòsażonô i pasownô do pòtrzébów – Krézowégò Ceńtrum Warkòwi Edukacje w Bëtowie.

Nowô sdzba mô bëc latos fardich. Placówka sztôłcy ùczniaków i robòtników – ùstnëch a młodëch. Tam są prakticzné zajmë, òrganizëją warkòwé i kwalifikacjowé kùrsë. Lepszé do te warënczi mdą w òbiektach w ùszłi baze PKS. Przërëchtowanié nowi sedzbë dérëje drëdżi rok. Kùńc robòtë to je kwestia czile miesądzy – gôdô bëtowsczi krézowi starosta Lészk Waszkewicz. Za stôwianié nowi sedzbë Krézowégò Centrum Warkòwi Edukacje w Bëtowie przińdze le 14 mln zł. To je nôwikszô jinwesticjô w historie samòrządu bëtowsczégò krézu.

• Żebë produkcjô sã lónowa – to je jedna z témów zéńdzeniô z wiceminystrã gbùrzëznë, jaczé mdze w Przedkòwie w tã sobòtã.

Riszôrd Zarudzczi mdze brôł ùdzél w pòsedzenim Pòmòrsczi Gbursczi Jizbë. – Më rôczimë do ùdzélu w diskùsje – gôdô prowadny krézowi radzëznë PIR w Kartuzach Zygmùńd Stromsczi. Zéńdzenié z wiceminystrã gbùrzëznë mdze w tã sobòtã we widzawiszczowò-spòrtowi halë w Przedkòwie. Zacznie sã ò 10:00.

• W Miszewie w gminie Żukòwò ògłosëlë nabiér do krézowégò kònkùrsu – kòmicznëch taleńtw TAAAlencik Show.

To mdze w pòłowie maja. Je czerowóny do spòdlëcznëch szkòłów z kartësczégò krézu. Na prezentacjã kòżdi mdze miôł maksymalno 5 minut. To mòże wëbrac jednã ze sztërzëch kategòriów – w tim kabaretowi skecz w kaszëbsczim jãzëkù. Organizatór to je Dzecny Teater Jantark, chtëren je dzélã Stowôrë Drëchów Szkòłë w Miszewie. Do kònkùrsu kòmicznëch taleńtów mògą swòjëch ùczniaków zapisywac szkólny ze spòdlëcznëch szkòłów kartësczégò pòwiatu. Za chãtnyma żdżą do 30 aprila w Spòdlëczny Szkòle w Miszewie. Tam téż 15 maja mdą kònkùrsowé przesłëchania.

• W Lãbòrgù Wieża Cësnieniów w Parkù Chrobrégò – sã snôżniészô zrobia.

Kùńczi sã robòta przë elewacje, terô robòta mdze bënë. Ze szpëca wieżë je widzec całi gard, temù ji przebùdowa òbjima pòstawienié widokòwi platfòrmë z efektowną trapòwą klôtką ze szpéglama. To bëło téż nót mieniac stropë, dak, wszëtczé jinsztalacje, òkna i dwiérze. To wszëtkò temù, cobë pò 60 latach paùzë Wieża nazôd służëła mieszkańcóm Lãbòrga i letnikkóm jakno plac pòtkaniów, relaksu i łączbë z kùlturą. Całowny remòńt i przebùdowa Wieżë Cësnieniów kòsztają kòl 8 mln 800 tës zł. To je part wikszégò projechtu „Skarby Lęborka”, na jaczi gardowi samòrząd zwëskôł przez 7 mln 300 tës zł eùrodëtków.