Chcemë pòznac Lãbórg | Joana Walkùsz (2)

Piotr Ciskowski 3 kwietnia 2019

W pòniedzôłk më rëgnãlë z pòznôwanim lãbòrsczich strón w aùdicje Chcemë pòznac Lãbórg. O Paulu Nipkowie nazéwónym òjcã telewizje mòżeta jesz pòsłëchac na naji stronie radiokaszebe.pl. Dzysô më wëjedzemë kąsk za Lãbórg. Adóm Hébel nié do kùńca wierził, że tam mieszkają richtich Kaszëbi. Aż pòtkôł szkólną co ùczi w szkòłach w Bùkòwinie i Łebuni – Joanã Walkùsz. Uczba kaszëbsczégò to nié blós zala i ksążczi, ale téż wanodżi. Co zwiedzywają i jak spãdzywają czas w szkòle dzecë z lãbòrsczich strón? Tegò dowiéta sã w pòsobny òdsłonie dzysészégò dzéla.

Pòznôwómë lãbòrską zemiã, dze kaszëbsczi jãzëk w szkòłach je ùczony dëcht jak wszãdze kòl naju. Lekcje są nié le na terenie szkòłë, ale téż na wëjazdach. Co zwiedzywają ùczniacë szkòłów w Łebuni i Bùkòwinie? O to Adóm Hébel spitôł szkólną Joanã Walkùsz. Zarô lepi pòznómë szkólną, jakô je bòhatérką najégò dzysészégò wëdôwkù aùdicjów ò lãbòrsczi zemie.
Nasz redachcjowi kòléga czuł òd lëdzy z wejrowsczich strón, że w Lãbòrgù i òkòlim to Kaszëbów nie dô. Dzysô ùdało sã òbalëc ten mit. To dô naszińców, co gôdają i przekazywają jãzëk pòsobnym pòkòlenióm, tak jak Joana Walkùsz, szkólnô co mieszkô w Łebuni pòd Lãbòrgã. Co jã skłoniło do ti dzejalnoscë i czemù ùznôwô to za wôżną misjã? Ostatné słowa Joana Walkùsz rzekła ze łzama w òczach. To dô wicy lëdzy z pòczëcym misje na lãbòrsczi zemie i w pòniedzôłczi a strzodë w Na Widnikù Kaszëbë chcemë sã jima przëzérac.


Current track

Title

Artist

Wybierz jeden z adresów: