W Cewicach za tidzéń ôpen mdze gminny rënk

Dziennikarz , 5 września 2019

Klëka Radia Kaszëbë 5.09.2019 11:55

W Cewicach rëchtëją sã do òdemkniãcégò rënkù. Hańdel mô tam rëgnąc 13 séwnika.

Targòwiszcze mdze miało swój plac przë sztrasë Witosa, za szkòłą spòdleczną. Bãdze ôpen dwa dnie w tidzéniu. – we wtórczi i piątczi òd 7 rëno do 1 pò pôłnim. Pòwstało dzãka ùdbie gminny samòrządzënë. Sprzedôwcë mdą mielë do hańdlowaniégò richtich cwiardi plac, leno że bùten a bez dakù. Sprzedawac bãdą przë lôdze abò prosto z aùtuła.

– Rëchùjemë, że mdze tuwò mòżna sprzedawac a kùpòwac brzad zebróny z gòspòdarczi a do tegò rozmaité jinszé swòje zachë. – gôdô wójta gminë Cewice Jerzy Bańka.

Gminnô samòrządzëna nie mdze pòbiérac dëtków òd hańdlôrzów. Lëdze chtërny chcą sã pòdjąc tegò geszëftu mùszą zazdrzëc na starnã jinternetową gminë Cewice, na chtërny mdze ùwidniony regùlamin targòwiszcza.

Tagi

Głosy słuchaczy

Twój głos

Twój adres e-mail nie będzie opublikowany. Wymagane pola są zaznaczone *



The reCAPTCHA verification period has expired. Please reload the page.


Current track

Title

Artist

Wybierz jeden z adresów: