Mdą webiérac òd pòniedzôłkù w gminie Wiôlgô Wies w welowanim na òbëwatelsczi bùdżet

Written by on 4 września 2019

Klëka Radia Kaszëbë 4.09.2019 11:55

We Wiôldżi Wsë rëchtëją sã ju do welowaniégò na projektë w òbëwatelsczim bùdżece. Rëgnie w nôblëższi pòniedzôlk.

Do rozdzeleniégò je tak jak łoni 350 tës zł, z czegò 200 tës je na projektë gardowi, a 150 tës pùdze na wsë wkół miasta. Mieszkańcë gminë Wiôlgô Wies mdą wëbiérac z wëstrzód 26 – u bédënków. Tëlé ùdbów òstało bez nich zgłoszonëch, a achtnionëch bez kòmisëjã.

– 10 szło weg – bëłë za baro drãdżé do zrobieniégò – gôdô Wioleta Kowalska – Lewicka z Gardowégò Ùrzãdu we Wiôldżi Wsë. Kòżdy z bédënków mùsził sã zmiescëc w òbramienim dzejaniégò gminë.

W gminie Wiôlgô Wies welowanié pòdérëje òd 9 do 23 séwnika, prowadzoné mdze blós bez jinternet. W nôblëższi pòniedzôlk welacje w òbëwatelsczim bùdżece rëgną mët midze jinszima w Rëmi, Wejrowie a Żukòwie.

Tagged as

Reader's opinions

Leave a Reply

Your email address will not be published. Required fields are marked *



Current track

Title

Artist

Background