W Gdinie Redłowò rëgnało ùprôwianié przëstónkù SKM

Mdze lżi kòrzëstac z przestónkù SKM w Gdinie Redłowò. Nôprzód równak rézëjący bãdą mùszelë miec cerplëwòtã, bò przëstónk mdze czësto blãk wëremóntowóny. Robòtë ju rëgnałë.

Pòwstac mô midze jinszima dodôwkòwé wlézenié na sztrasã Stryjską òd starnë Pòmòrsczégò Parkù Nôùkòwò – Technologicznégò.

– Robòtë w Redłowie są dzélã programë mòdernizacëji najich banowiszców – gôdô mówca PKP SKM w Trójgardze – Tomasz Złotoś.

Okróm trapów a windë mô bëc mët wiôlgô wiata. Do te chcą jesz skrócëc dzél midze baną a bëtonową ùrzmą, cobë nicht nie wpôdł do bëna. Rëchli rézëjący mùszą bëc przërechtowóny na drãgòtã we wlôżanim do zugã bez remóntowé robòtë.

W przëtrôfkù dłëgszich paùzów bez remontë, rézejący dostóną môłą rekompensã – mdze jezdzëc dodôwkòwi aùtobùs. Robòtë mają bëc fardëch w strëmiannikù przédnégò rokù, mdą kòsztowac 13 mln 800 tës zł.