KLËKA 19.04.2019 (CSB)

Adóm Hébel 19 kwietnia 2019

  • Zôstãpczé familie szëkóné – dôwô do wiédzë Krézowé Centrum Pòmòcë Familie we Wejrowie.
  • Dogôdënczi w sprawie kąpielëszcza w Biôłim Jezorze ògłosa Gmina Kartuzë.
  • W gminie Kòsôkòwò òni przëjimają zgłoszenia do 11-gò Festiwalu Dzecny Frantówczi.

PIĄTK, 19 aprila

  • Zôstãpczé familie szëkóné – dôwô do wiédzë Krézowé Centrum Pòmòcë Familie we Wejrowie

Cziledzesąt dzecy we wejrowsczim krézu brëkùje zôstãpczich starszich. Chãtny do taczi fąkcje mògą sã zgłosziwac do Krézowégò Centrum Pòmòcë Familie. Cobë cządowò przëjimnąc pòd swój dozér dzeckò mùszi miec dobrą wòlã, òdemkłi dodóm i chãc nieseniô pòmòcë. Mùszi téż przedstawic cedel òd dochtora ò brakù procëmwskôzów. Je nót baro wiele lëdzy. To je òpłacywóné, le mùszi sã zajimnąc dzecama, co przeżiwają traùmã przez sytuacjã doma, òderwanié òd biologicznëch starszich i tôkle z nalézenim sã w nowim strzodowiszczu. – Më równak nie òstôwiómë starszich samëch – zagwësniwô zôstãpcka direchtora PCPR we Wejrowie Gréta Bernackô Cobë dostac wicy wiadłów mùszi sã skòńtaktowac z Krézowim Centrum Pòmòcë Familie we Wejrowie. Całô rozmòwa je do òdsłëchaniô na radiokaszebe.pl.

  • Dogôdënczi w sprawie kąpielëszcza w Biôłim Jezorze ògłosa Gmina Kartuzë

W gminie Kartuzë òb lato mô rëgnąc jedno kąpielëszcze. Samòrząd òpùblikòwôł ùchwôlënk w ti sprawie i żdże za ùwôgama mieszkańców. Retownicë mdą robilë w Prokòwie-Ucëskù kòl Biôłégò Jezora. – Jinfòrmacjô z geògrafną kôrtą je przistãpnô w jinternece – rôczi do taksowaniô Dariusz Las z Gardowégò Urzãdu w Kartuzach. Më sã rëchtëjemë do latnégò sezonu – gôdô bùrméster Kartuz Mieczisłôw Grégór Gòłuńsczi. Dodôwô, że ùtrzëmanié kąpielëszcza je zrzeszoné z kòsztama i òdpòwiedzalnoscą. Uwôdżi i bédënczi zmianów co sã tikają kąpielëszcza w Biôłim Jezorze mùszi zgłaszac do 6 maja w elektroniczny fòrmie abò w sedzbie Gardowégò Urzãdu w Kartuzach.

  • Zgłoszenia do 11-gò Festiwalu Dzecny Frantówczi òni przëjimają w gminie Kòsôkòwò

Słuńcowé melodie mùszą miec w repertuarze ti co chcą wëstąpic we Festiwalu Dzecny Frantówczi w Pierwòszënie. Kòsôkòwsczé Centrum Kùlturë do 10 maja przëjimô zgłoszenia. 11-tô edicjô festiwalu mdze 16 maja. Zaprezeńtowac sã mògą dzecë òd 5 lat do gimnazjum. Soliscë jak i karna. W kònkùrsu mùszi wëstąpic z dwùma frantówkama zgódnyma z prowadną témą Festiwalu. To są „Rozespiéwóné parmiczi – słunecznô melodiô”. Zgłoszeniowé kôrtë są na jinternetowi stronie Kòsôkòwsczégò Centrum Kùlturë. Zgłoszenia do 11-gò Festiwalu Dzecny Frantówczi w gminie Kòsôkòwò bądą przëjimóné do 10 maja.



Current track

Title

Artist

Wybierz jeden z adresów: