Chcemë pòznac Lãbórg | Archeòlogiô (5)

Piotr Ciskowski 15 kwietnia 2019

Më gôdómë archeòlogiô, mëslimë Égipt. A czemù? Krótkò najëch chëczów są place jaczéùnikatowé w skalë Eùropë. W Czôrnówkù, wsë dze je nasza lãbòrskô antena w 70-tëch latach zaczãlë òdkòpiwac szlachë pò dôwnëch mieszkańcach najëch zemiów. Wëstôwk jidze òbezdrzec w lãbòrsczim mùzeùm, jaczégò mùrë òdwiedzył Adóm Hébel i pògôdôł z Agnes Krziszôk, tamtészą kùstosz, jakô prowadza wëkòpaliszcza w Czôrnówkù.

Ju zarô më wrócymë do gôdczi ò pradzejach Pòmòrzô pòkôzónëch na spòdlim smãtarza w Czôrnówkù w mùzeùm w Lãbòrgù. Më sã dowiémë co parłãczëło te zemie z Rzimsczim Jimperium.

W Czôrnówkù, skądka Radio Kaszëbë nadôwô na Lãbórg w 70-tëch latach òdkrëlë grobë dôwnëch mieszkańców tëch terenów. To òdkrëło przed nama bògactwò kùlturów, lëdów chtërne bëłë tu przed Kaszëbama. Nalazło sã téż wiele zachów z Rzimù. Skąd sã wzãłë? Kim bëlë lëdze jaczi tu mieszkelë przódë i co sã z nima stało? W rézã w szëkanim za òdpòwiescama rôczi naju Adóm Hébel chtëren gôdôł z kùstosz mùzeùm w Lãbòrgù Agnes Krziszôk.

Zarô më sã dowiémë wicy ò robòce archeòlogów jaczi najdiwelë elemeńtë pradzejów lãbòrsczi zemie.

Më wrôcómë do Lãbòrga, dze w tamtészim mùzeùm przë sztrase Młinarsczi 14-15 do òbezdrzeniô je wëstôwk ò archeòlogicznëch òdkrëcach z niedaleczégò Czôrnówka. Jak to nierôz biwô, pierszé skôrbë historie òdkrëlë czësto przez przëpôdk. Dzysô to jeden z nôlepi ùchòwónëch smãtarzów z pradzejów. Jak przebiéga robòta przë wëkòpaliszczach? Co wôrtnégò mòżemë òbezdrzec w mùzeùm i czë tamtészi lëdze bëlë artistama? Ò tim Adamòwi Héblowi òpòwiôda Agnes Krziszôk, jakô prowadza wëkòpaliszcza.

Tedë to nie je prôwda, że ti co tu bëlë przed nama, to bëlë primitiwny, cwiardi lëdze. Jich òbzdobë bëłë efektã robòtë, w jaką wkłôdelë sërce. Mòże to më, wëchòwóny w czasach masowi produkcje jednorazówków, jesmë barżi primitiwny i wëzbëti wrażlëwòscë? Tedë tim barżi wôrt pòznac cywilizacjã jakô tu bëła przed nama, a zrobic to mòżemë w Mùzeùm w Lãbòrgù.



Current track

Title

Artist

Wybierz jeden z adresów: