KLËKA 08.05.2019 | STRZODA, 8 maja

Maciej Bandur 8 maja 2019

Vjicé robòtë przë jinvesticijnëch projektach zvjikszi szansã na bútnové financovanjé jinvesticij – dokònëje wójt gmjinë Chmjelno | Młodi z gmjinë Lëzëno trenëjõ fùsbalã – na pòspólnëch zajmach sã pòtikajõ v Sichòvje | V gmjinje Vejrovò sã naczõł II etap fòtografjicznégò kònkùrsú z leżnosce 85-lecô gmjinë.

Strzoda, 8 maja

Vjicé robòtë przë jinvesticijnëch projektach zvjikszi szansã na bútnové financovanjé jinvesticij – dokònëje wójt gmjinë Chmjelno

Vjicé robòtë przë jinvesticijnëch projektach zvjikszi szansã na bútnové financovanjé jinvesticij – dokònëje wójt gmjinë Chmjelno, Mjichôł Melibruda. Donëchczas bëło jich za mało. V nabjérze vnjoskóv na Fùńdusz Samòrzõdovëch Dróg më mòglë złożëc blós dva projektë na wosedlové drogji, dopòvjôdô wójt. Dostanjé dotacij na jinvesticëje sã robji vjedno cãżészé, temù më mùszimë bëc jú rëchlé przërëchtovóni, pòdsztrichùje wójt Melibruda. Mjedzë nôblëższëmi projektovëmi zadanjami, co z tëmi gmjina chce przińc fardich, je wubùdovanjé dvúch autonomjicznëch woczëszczalnji scekóv, chtërnë mdõ słúżëłë sztërzem sołectvóm.

Młodi z gmjinë Lëzëno trenëjõ fùsbalã – na pòspólnëch zajmach sã pòtikajõ v Sichòvje

Młodi z gmjinë Lëzëno trenëjõ fùsbalã – na pòspólnëch zajmach sã pòtikajõ mjedzë jinëmi v Sichòvje, gdze co tidzénj pòpôłnjovëch gòdzënach sã zbjérô vnetka 40 dzeci. Rotacijné trenjingji sõ przeprovadzóné na bòjiszczú abò v gimnasticzni zali. Varajõ 2 gòdzënë ë sõ darmôk. Jich organizatór to Gmjinovi Wostrzódk Spòrtú, Rekréacëjé ë Turistikji v Lëzënje. Z młodëmi adeptami fùsbale gôdôł Gracjan Fópka. Ti cvjiczõ njé le v Sichòvje, trenérzë provadzõ téż zajmë v Barłomjinje, Kãbłovje, Zelevje, Vëszecënje ë v Lëzënje. Zapjise dërch sõ ôpen. Harmònogram ze vszëtkjimi detalami je dostãpni na jinternetovi stronje GOSiR Lëzëno.

V gmjinje Vejrovò sã naczõł II etap fòtografjicznégò kònkùrsú z leżnosce 85-lecô gmjinë

Laptop, zdrzélnjik abò kòło – to le pôrã wod głóvnëch nôgrodóv na fòtografjicznim kònkùrsú gmjinë Vejrovò, jakji je worganizovóni z leżnosce 85-lecô jé egzistovanjô. Dopjérze sã naczinô jegò drëgji etap. Zadanjim wuczãstnjikóv kònkùrsú je fòtografjiczné przëróvnanjé dzisdnjovëch wobjektóv, placóv abò mjeszkańcóv gmjinë Vejrovò z jich vezdrzenjim przódë lat – nji mùszi bëc przed wojnõ. Cobë mjec svój dzél v kònkùrsú je trzeba vëpôłnjic fòrmùlôrz dostãpni v sedzbje ë na jinternetovi stronje Pùbliczné Biblotékji Gmjinë Vejrovò. Zgloszenja mdõ przëjimóné do pòłovë svjãtojańskjégò/czervjińca.



Current track

Title

Artist

Wybierz jeden z adresów: