KLËKA 14.05.2019 | CZWIÔRTK, 16 maja

Maciej Bandur 16 maja 2019

Nowi rekreacyjny teren w Pògòrzim w gminie Kòsôkòwò mdze zaprezeńtowóny w niedzelã na Spòrtowim Familijnym Piknikù | Stãżëca je fardich na Przebojową Majówkę – w sobòtã są zapòwiôdóné ùcãżenia w rëchù | W Pùckù ten wékeńd mdze dedikòwóny Belonie ë promòwaniémù bókadoscë Wiôldżégò Mòrza

CZWIÔRTK 16 maja

Nowi rekreacyjny teren w Pògòrzim w gminie Kòsôkòwò mdze zaprezeńtowóny w niedzelã na Spòrtowim Familijnym Piknikù

W Pògòrzim je ju rekreacyjny teren, a mdą téż nowé sztrasë – dzãka robòce gminë Kòsôkòwò pòspòle z deweloprã bùdëjącym nowé òsedlé. Rezultatama sã pòchwôlą na piknikù w nôblëższą niedzelã. Kòl sztrasë Kòscuszczi je pòwstóné wielefùnkcyjné bòjiszcze, mini skate park, plac zabôw ë plenerowô mòcowniô. – Dzãka pòrozmieniémù, nen teren mô przërëchtowóné ë wëpòsażoné jinwestór – rzecze wójt Kòsôkòwa Môrcën Majek. Ùmòwa òbjimô téż pòspólną bùdacëją sztrasów. Na zaczątk pòwsta sztrasa Czechòwicza. Rekreacyjny Teren pòwstôł òb wieséń łońsczégò rokù, ale wiôldżé òtemknienié je zaplanowóné na nôblëższą niedzelã. Z ti leżnoscë bądze téż Spòrtowi Familijny Piknik. Piknik na nowim, gminowim rekreacyjnym terenie w Pògòrzim mdze 19. maja w gòdzënach òd 10:00 reno do 05:00 òd pôłnia.

Stãżëca je fardich na Przebojową Majówkę – w sobòtã są zapòwiôdóné ùcãżenia w rëchù

Stãżëca je fardich na Przebojową Majówkã, ale je apel do szoférów. W sobòtã mdą ùcãżenia na wòjewódzczi drodze. Sztrasa Bernata Zëchtë, to znaczi dojazdowô droga do amfiteatru, mdze zamkłô dlô rëchù. W sobòtã mieni sã w deptak dlô pieszczich. Nódto na całi dłëgòscë sztrasë Sobieszczégò mdze zakôz parkòwaniégò. Szoférzë bë mielë wëbierac òznaczoné parkindżi, na przikłôd kòl sztrasë Ôbrama. – Rëchã na drodze mdą czerowałë służbë, tej nôlepi mdze sã dopasowac do jich pòlétów – jinstruùje wójt gminë Stãżëca, Tomôsz Brzoskòwsczi. Na Przebojowej Majówce w Stãżëcë zaprezeńtëją sã topòwé karna disco polo. Start w sobòtã ò 06:00 òd pôłnia. Gòdzënã rëchli mdą ôpen brómczi dlô pùbliczi.

W Pùckù ten wékeńd mdze dedikòwóny Belonie ë promòwaniémù bókadoscë Wiôldżégò Mòrza

W Pùckù szmakówcowie òszmakają swiéżą ribkã, a wãdkarze emòcyj w miónkach. Mdze corocznô Belonada. Spektakùlarné fëszowanié je prowadzoné, czej belona masami gòscy w Pùcczim Mòrzu. Jegò wòdë są ji nôlepszim placã do niérzchnieniô. Miónczi mdą dérowałë 2 dnie – w sobòtã òd 02:00 òd pôłnia ë w niedzelã òd 07:00 reno. Belonada to téż mòrsczi festin. Nacznie jen w sobòtã wpłëniãcé do hôwindżi rëbacczégò jachtu Czôrny Démãt ë pòwitanié kapténczi Joanë Pajkòwsczi. Belonada w Pùckù sã zacznie 18. maja ò 12:00.



Current track

Title

Artist

Wybierz jeden z adresów: