KLËKA 04.06.2019 | WTÓRK, 4 czerwińca

Maciej Bandur 4 June 2019

Samòrządë mają dostóné dëtczi na pòzycëje z rezerwòwi lëstë w òbrëmim Fùńduszu Samòrządowëch Dróg | Kartësczé starostwò szósti rôz nôdgrodzy wieledzecné ë zastãpczé rodzëznë | Pòwstôwô dlô młodëch ë przez młodëch – ju w lipcu mdze premiera nowégò kaszëbsczégò filmù mionã „Tobaka”

wtórk, 4 czerwińca

Samòrządë mają dostóné dëtczi na pòzycëje z rezerwòwi lëstë w òbrëmim Fùńduszu Samòrządowëch Dróg

Nastãpné dëtczi mają trafioné do samòrządów w òbrëmim Fùnduszu Samòrządowëch Dróg. Tim razã pieniãdze dostałë pòzycëje z rezerwòwi lëstë – 6 gminów ë jeden kréz. Miedzë nimi są Gniewino, Tëchómie, Chmielno, Kòlbùdë ë bëtowsczi kréz. Ùszpórowóné dëtczi zaòstałë pò dobrze przeprowadzonëch przetargach ë zmianach w harmònogramie robót. To dô szesc pòdpisónëch ùmòwów na 10,5 mln zł, z czegò dofinancowanié to jaż 5,2 mln zł. Z tegò to pùdze zmòdernyzowac 6,82 km lokalnëch dróg. Gmina Chmielno przebùdëje sztrasë Słóneczną, Kwiatową ë Spòkójną w Miechùcënie, gôdô wójt Michôł Melibruda. Dzãka tim dëtkóm gmina Gniewino przebùdëje sztrasã Lëpòwą w Perlënie, samòrząd Kòlbùdów przebùdëje drogã we Gduńsczim Jankòwie, bëtowsczi kréz drogã z Łëbna do Nowëch Hëtów, a gmina Tëchómie drogã w ti prawie gminny wsy. W pòmòrsczim wòjewództwie – dzãka Fùnduszowi Samòrządowëch Dróg, w 2019 rokù mdą rozdispònowóné w gromadze wnetka 260 mëlionów złotëch.

Kartësczé starostwò szósti rôz nôdgrodzy wieledzecné ë zastãpczé rodzëznë

Władze kartësczégò krézu zôs achtną wieledzecné rodzëznë. Ju szósti rôz je zrobiony kònkùrs „Perła dla życia”. Ten je adresowóny do wieledzecnëch ë zastãpczëch familëjów, a jegò cél to promòcëjô zastãpczégò rodzëcelstwa, pòsôdaniô wikszich rodzëznów, a téż achtnienié codniowégò trudu wëchòwaniô wielnégò pòtómstwa – rzecze derektór Krézowégò Ceńtra Pòmòcë Rodzëznie w Kartuzach, Grégór Mikiciuk. Pisóné zgłoszenia kandidatów do nôdgrodë kartësczégò starostë je trzeba przesélac w terminie òd 24. maja do 14. serzpnia latoségò rokù na adresã Krézowégò Ceńtra Pòmòcë Rodzëznie. Rozdanié nôdgrodów mdze na Festiwalu „Ludzie dla Ludzi” w Chmielnie 7. zeptembra.

Pòwstôwô dlô młodëch ë przez młodëch – ju w lipcu mdze premiera nowégò kaszëbsczégò filmù mionã „Tobaka”

Pòwstôwô dlô młodëch ë przez młodëch – jidze ò nowi kaszëbsczi film mionã „Tobaka”. Procëm tegò, co sã móże zdawac, titel je blós symbòliczny. Film mô elemeńtë fantasy. Je zrobiony w òpiarcym ò kaszëbską demònologiją, ale jegò akcëjô sã dejô dzysôdnia. Honorowi patronat nad produkcëją mô Sztudantczi Klub Pomorania. We filmie zagrają lëdze z rozmajitëch kaszëbsczich strzodowiszczów. Premiera filmù ju 18. lipca na Festiwalu Kaszëbsczich Filmów w restoracëji Mùkl w Miszewie. Wstãp za fri.

Klëka CSB

Jinfòrmacje z òkòlégò, kraju i swiata

More info



Current track

Title

Artist

Background