Klëka 2019.03.18 (csb)

• W Gdinie jesz le dzysô żdżą za bédënkama do Obëwatelsczégò Bùdżetu i chãtnëch do ùdzélu w diskùsje wkół òglowògardowëch projechtów.
• W swiãto Kaszëbów pòj do pòlskò-kaszëbsczi szkòłë – rôczi Naja Szkòła we Wejrowie.
• W Kartuzach òni przëstãpiwają do pòsobnégò etapù òczëszczaniô jezór.

Pòniedzôłk, 18 marca

• W Gdinie minutã przed północą sã dzysô skùńczi nabiér – do Obëwatélsczégò Bùdżetu.

Zgłaszac to mòże ùdbë na zmianë we fërtlach le téż òglowògardowé pòtrzébë. To mòze sã zapisac na warkòwnie, dze pòwstóną tzw gardowé projechtë. – Do welowaniô mô jich przeńc góra 15, më je òbgôdómë na diskùsjach na trzech sobòtnëch zéńdzeniach – gôdô wiceprezydeńt Gdinie Michôł Guć. Projechtë, gardowé pòtrzébë i ùdzél we warkòwniach to mòże zgłaszac jesz le dzysô – m. jin. przez jinternetową stronã Obëwatelsczégò Bùdżetu Gdinie. Do pòdzeleniô latos je przez 10 mln zł, w tim półtora mln na òglowògardowé projechtë.

• W Dzéń Jednotë Kaszëbów pòj do pòlskò-kaszëbsczi szkòłë – rôczi Naja Szkòła we Wejrowie.

Cobë sã dac pòznac placówka zòrganizowa Odemkłé Dnie. Nôprzód pòniedzôłkòwô jintegracjô w jizdebnicë dlô dzecy, starszich i ópów na bùczce. Za to 19 marca to mòże przińc do szkòłë i sã doznac jak na ni są prowadzoné zajmë. Wejrowskô Naja Szkòła to je dëbeltjãzëkòwô, priwatnô spòdlëczna szkòła z jãzëkòwò-cyfrowò-medialnym profilã. Do jintegracjowi kaszëbsczi jizdebnicë Naji Szkòłë to mòże przińc òd 9:00 do 1:30 w Dzéń Jednotë Kaszëbów.

• W Kartuzach òni sã zabierają za zagòspòdarzenié terenu – wedle Klôsztorny Strëdżi.

To je dzél całowny programë òczëszcziwaniô jezorów. Krótkò Strëdżi to dô chòdniszcza, stegnë i kłôdczi. Teren mô bëc wërównóny, nasadzą tam bómë i krzë, pòstawią nowé widë. Nade wszëtkò nasz cél to je jednak ògreńczenié spłiwù nieczëstosców do jezorów – gôdô zôtãpca bùrméstra Kartuz Sylwiô Biankòwskô. Robòta przë zagòspòdarzenim Klôsztorny Strëdżi mô kòsztac 1 mln 600 tës zł i mdze dérowa do pòłowë przińdnégò rokù.