KLËKA 12.06.2019 | STRZODA, 12 CZERWIŃCA

Maciej bandur 12 czerwca 2019

W òbrëmim Fùńdusza Samòrządowëch Dróg gmina Przedkòwò wëremòńtëje drogã w Kòbùsewie | Przez smartfòna, tablet abò kòmpùter jidze ju przezerac wëbróné zbiérë Miesczi Pùbliczny Biblotéczi we Wejrowie | Spiewarze z całi Pòlsczi sã pòzjadą w sobòtã do Strzépcza – piąti rôz mdze tam Òglowòpòlsczi Festiwal Religijny Piesnie Pater Noster

Strzoda, 12 czerwińca

W òbrëmim Fùńdusza Samòrządowëch Dróg gmina Przedkòwò wëremòńtëje drogã w Kòbùsewie

Gmina Przedkòwò wëremòńtëje drogã w Kòbùsewie. Zadanié mdze zrealizowóné wedle pòdpisóny z wòjewòdą ùmòwë na dofinancowanié z Fùńduszu Samòrządowëch Dróg. Jinwesticëjô òbjimô remòńt gminowi drodżi na dzélach sztrasów: Sosnowa, Świerkowa, Jesienna ë Urocza. Z betonowi kòstczi mdze zrobiony wiérzk drodżi, chòdnika ë miedzë drëdżimi teletechnicznô séc, gôdô wójt Przedkòwa Ãdris Wërzëkòwsczi. Wôrtnosc zadaniô to przez 3 mln 850 tësący złotëch, òd cze pòłowa to je dotacëjô z Programë Rozwicô Gminny ë Krézowi Drogòwi Jinfrasztrukturë. Wedle dofinancowaniô z Fùńdusza Samòrządowëch Dróg téż kartësczi kréz wëkònô przebùdowanié drodżi na trasy Czeczewò-Przedkòwò ë remòńt krziżówczi krézowëch dróg w Górnëch Kawlach.

Przez smartfòna, tablet abò kòmpùter jidze ju przezerac wëbróné zbiérë Miesczi Pùbliczny Biblotéczi we Wejrowie

Przez smartfòna, tablet abò kòmpùter jidze ju przezerac zbiérë Miesczi Pùbliczny Biblotéczi we Wejrowie. Przëstãp do e-booków to je dzél wòjewódzczégò projektu, chtëren zagwësniô dostãp do platfòrmë NASBI-OSBI. Òkróm ksążk, je mòżno jinteraktiwno brëkòwac téż audiobooczi ë aùdiowizualné materiałë. Przëstãp do cëfrowëch zbiérów wejrowsczi biblotéczi dôwô kòd do logòwaniô, jaczi je trzeba scygnąc. Jidze to zrobic samémù w główny sedzbie Miesczi Pùbliczny Biblotéczi we Wejrowie na sztrasy Kaszëbskô. Przëstãp do e-booków je za fri.

Spiewarze z całi Pòlsczi sã pòzjadą w sobòtã do Strzépcza – piąti rôz mdze tam Òglowòpòlsczi Festiwal Religijny Piesnie Pater Noster

Ju piąti rôz do Strzépcza w gminie Lëniô sã pòzjadą ti nôlepszi spiéwarze z całi Pòlsczi. To wszëtkò na V Òglowòpòlsczi Festiwal Religijny Piesnie „Pater Noster”. Latos to dô 15 chórów. Przëjadą nié blós kòscelné karna, ale téż akademicczé ë swiatowé. Pòczątk w nôblëższą sobòtã ò 9:30 w parafialnym kòscele we Strzépczu. Ò gòdzënie 06:00 òd pôłnia mdze òdprawionô Sw. Mszô. Zarô pò ni mdze rozdanié nôdgrodów dlô dobiwców. Wstãp je fri.



Current track

Title

Artist

Wybierz jeden z adresów: