Klëka 2019.04.04 (CSB)

• Krajewô szóstka w Rédze zwãżonô ju na òbadwùch pasach jezdnie.
• Wnet 200 tës przëszło za wëmianã aùtobùsa na nowszi dlô szkòłë we Wielim w gminie Kôrsëno.
• Reprezentacje Nowi Zélandie i Pôłniowi Kòreje U-20 mdą sã rëchtowałë do mùndialu w Gniewinie.

PIĄTK, 5 aprila

• Krajewô szóstka w Rédze zwãżonô ju na òbadwùch pasach jezdnie

W Rédze na krajewi szóstce terô téż tôkle na pasu w stronã Wejrowa. Robòta je zrzeszonô z bùdową jintegracjowégò wãzła.Zaczãlë òd wëmienieniô scekòwégò kòlektora na terenie przë banhofie, dze bądze parkplac. Nôwôżniészi dzél robòtë sã naczął czile dniów nazôd czej drogòwcowie zajãlë prawi pas w stronã Gdinie. Terô òni téż robią na procëmny jezdnie. Na Młińską sztrasã dopiérze mógł krącëc le z krajewi szóstczi. Terô òna mdze téż mia wëlot. Donëchczas krajewô szóstka w òkòlim banhofù je zwãżonô w òbadwie stronë. Drogòwcowie robią na prawëch pasach jezdnie.

• Wnet 200 tës przëszło za wëmianã aùtobùsa na nowszi dlô szkòłë we Wielim w gminie Kôrsëno

Wëbrëkòwónégò Jelcza zastąpił wiele nowszi aùtobùs. Gmina Kôrsëno sprawiła pòjôzd dlô szkòłë we Wielim. Uczniacë są nim wiozłi na ùczbë w wiele lepszich warënkach. – Më mómë kùpioné aùtobùs za 190 tës zł – gôdô wójt Kôrsëna Róman Brunk. To je priz za pòjôzd ùżiwóny, ale w baro dobrim stanie. Kòszt kùpieniô aùtobùsa dlô szkòłë we Wielim je całi pòkrëti z bùdżetu gminë Kôrsëno.

• Reprezentacje Nowi Zélandie i Pôłniowi Kòreje U-20 mdą sã rëchtowałë do mùndialu w Gniewinie

Gniewino pòsobny rôz mdze bazą dlô balarzów co sã rëchtëją do mùndialu. Tą razą to mdą dwa karna, co wezną ùdzél w mésterstwach swiata FIFA do 20 lat. One mdą w Pòlsce, zaczną sã 23 maja. Czwiczëc do nich w Gniewinie mdą reprezentacje Nowi Zélandie i Pôłniowi Kòreje. Sławã ti môłi môlëznie przëniosło ju Eùro 2012 – tedë tam gòscëlë Szpańczicë, jaczi tedë dobëlë turniér.
Reprezentacje Pôłniowi Kòreje i Nowi Zélandie mają przëjachac 3 niedzele przed jinaùgùracją miónków – to je mòżemë sã jich spòdzéwac na zôczątkù maja. Jeden z gardów gòspòdarzów Mésterstwów Swiata FIFA do 20 lat to mdze Gdiniô. Na sztadionie Arczi, òprócz meczów karnowi fazë bãdze m. jin. jeden z półfinałów i mecz ò 3 plac.